Salah Ngomong
(Bang Madi/ IM)
 "Pen, lu ada masalah ape ame si Ical, kok die gerendengan terus kayak petasan rentet kalo nyebut nama elu ?" tanya Jumadi ketika melihat Pepen lagi relaks sore hari itu. Memang kalo mau nanya sesuatu yang sensisitif kudu ngelihat situasi, jangan asal maen tembak aje.
"Dari mane elu tahu Jum ? Emangnye lu telepon die ?" berondong Pepen, karena penasaran kok urusannye bisa sampe ketahuan si Jum. Lagian setahunye Jumadi kagak deket ame tuh anak.
"Kebetulan pas gue lagi telepon adek gue si Romli, die lagi nyangsang di sono, " jawab Jumadi.
"Kayak layangan aje nyangsang di pohon !" kata Pepen sambil cengengesan. "Si Ical bilang gue kalo adeknye punya niatan mau ngerantau ke Amerika. Dia tanya pendapat gue. Yah gue bilangin ape adenye, kalo sekarang ape-ape susah dibanding dulu. Dapetin visanye aje susah. Bolak-balik ditolak bakalan ilang duit berape ? Belon lagi cari kerjaan di sini susah kalo kagak ade surat-surat. Eh, die nanggepinnye laen. Dikirain gue sirik kalo nanti adeknye bakalan bisa berhasil di sini. "
"Nah itulah susahnye. Kadang-kadang kite ngomong bener, tapi ditanggepin laen. Makanye kudu ati-ati kalo ngomong, biar kate maksud kita baek, " kata Jumadi sambil geleng-geleng kepala prihatin.
"Ah, emang si Ical orangnye gitu, " samber Mat Kelor yang tiba-tiba nongol nggak ketahuan dari mane rimbanye. "Dulu minta bantuin kite nyiapin perayaan Hari Raya di kantornye. Maunye itu ruangan aula dihias ame balon dan pake kertas krep yang diplintir-plintir. Si Pepen bilang, Cal, ini perayaan Hari Raya ape pesta sunatan ? Langsung ngambek, 2 minggu si Pepen kagak ditegor, " cerita Mat Kelor sambil cekakakan.
"Makanye gue bilang kudu ati-ati, jangankan kita, wapres aje bolak-balik sering salah ngomong, " kata Jumadi lagi.
"Makanya Bapak Presiden dulu kalau bicara selalu pake teks, jadi tidak pernah salah-salah, " celetuk Qodir nimbrung ikutan ngomong, padahal kagak pernah ditanyain pendapatnye ape.
"Kecuali kalo tukang ngetiknye lagi ngigo, "samber Mat Kelor.
"Mana mungkin la mas. Wong tukang ngetiknya bukan sembarang orang. Kalo tidak jendral ya kolonel, " sanggah Qodir dengan serius.
"Masak kalo gue mau ngomong ame temen gue musti pake teks juga, Dir ? Emangnye elu mau jati tukang ketik gue, " kata si Pepen sambil ngegodain si Qodir.
"John Kerry yang jago ngoceh aje bisa selip juga. Dia bilang ke mahasiswa supaya rajin-rajin dan pinter-pinter biar kagak bakalan nantinye nyangkut di Irak. Tentu aje banyak yang ngamuk, emangnye tentara yang dikirim ke Irak dongo-dongo ape ?" kata Mat Kelor yang emang rajin ngikutin berita-berita terkini.
"Padahal justru tentara sini pinter-pinter. Banyak yang masuk tentara biar nantinye dapet beasiswa bakal ngelanjutin kuliah, " tambah Jumadi.
"Bukan cuma tentara sini, Jum. Tentara kita juga pinter-pinter. Pinter bisnis !" kata Mat Kelor sambil tertawa terbahak-bahak.
Tidak hanya itu, Bush juga dinilai gagal dalam menjalankan politik luar negerinya. Sebab di seluruh wilayah yang terdapat pasukan AS selalu bergolak, seperti Irak dan Afghanistan.
"Semua itu akan kita sampaikan dalam aksi protes nanti," cetus Tifathul.
| 
