OBRAL
Bang Madi/ IM
 Mat
Kelor cs baru pulang habis maghrib setelah seharian berburu
barang-barang obralan. Memang umum setiap ada hari libur,
toko-toko berlomba menurunkan harga dalam rangka menarik
pembeli sebanyak-banyaknya untuk menaikkan omzet.
"Capek juga ya. Dengkul gue ampe lemes,
kebanyakan jalan, " kata Pepen sambil membanting diri
ke sofa dan melepas kantong-kantong plastik belanjaannya
ke lantai.
"Tadi gue suruh naik scooter listrik
buat orang cacat yang disediain di toko, lu kagak mau, "
jawab Mat Kelor sambil terkekeh-kekeh.
"Gile lu, Mat. Itu kan bakal kakek-kakek
yang jalannya udah singit kayak layangan putus, " cetus
Jumadi sambil ngakak juga.
"Tapi kan bagus, Mas Pen. Nanti jadi
perhatian gadis-gadis, " tambah Qodir yang sudah mulai
pinter ngegodaiin orang.
"Palingan cewek-cewek cuma ngasih jalan
doang, bukannye ngasih hati, " kata Mat Kelor lagi
sambil meledak ketawanya. "Bukannye nyamperin, malah
pade minggir. Awas,......awas,...... cowok letoy lewat !"
"Pikir-pikir belanje di Amrik lebih manusiawi.
Biar diobral tapi baju-bajunye masih digantungin. Kalau
di Matahari atawa Ramayana, cuma ditaruh di boks gede aje.
Tinggal kite berebutan ngaduk-ngaduk, kayak ayam berebutan
cacing, " kata Pepen mengalihkan pembicaraan supaya
nggak digodain terus.
"Tapi enaknya di sana, penjaga tokonya
masih muda-muda, gadis-gadis manis lulusan SMA, " tambah
Qodir.
"Bener, Dir. Masih pade bau kencur. Kalo
di sini yang jaga toko udah pade bau tanah, " samber
Mat Kelor.
"Namanya barang apkiran, yang jaga juga
apkiran dong, " kata Jumadi nggak mau kalah.
"Abisnye, orang sini kan ke toko bakal
bener-bener belanje. Nggak kayak orang kite di sono, cuma
bakal ngeliat-liat doang. Belanjanye kagak !" kata
Pepen agak serius.
"Masalahnye biar kate diobral, harga
barang masih jauh di luar jangkauan rakyat kecil, "
kata Jumadi mulai serius juga. "Kalo pendapetan minimum
sesuai UMR, boro-boro bakal belanje, makan aje musti diirit-irit
!"
"Di sini biar kate penghasilan minimum,
masih bisa ikutan belanje. Nggak cuma bengong doang ngeliatin
orang laen pade ngeluarin dompet, " tambah Mat Kelor
lagi.
"Kite bisa sama-sama belanje sama orang
yang lebih berade. Tadi gue juga lihat ada dokter dan RN
yang belanje di salah satu toko yang kite masukkin, "
kata Pepen menceritakan pengamatannya. (RN=registered nurse)
"Pantesan pasien lu suka pade mati mendadak,
Pen ! Bukannye cuma elu caregiver-nye, tapi dokter dan suster-nye
juga pade sibuk belanje !" samber Mat Kelor sambil
terbahak-bahak.
"Enaknya di sini, barang-barang yang
kita beli bisa dipulangkan kalau kemudian kita tidak suka,
" tukas Qodir yang suka ngebanding-bandingin antara
di sini sama di sono.
"Bener, Dir. Kalo beli baju di sana,
udah beli habis-tuntas, kagak ada cerite lagi. Kalo ternyate
lu kagak demen, paling-paling simpen aje bakal kado kalo
engkong lu ulang tahun !" bales Mat Kelor sambil tertawa
geli.
"Pas engkong lu ulang tahun enyak lu
ngasih pici, babeh lu ngasih sarung. Eh elu, ngasih baju
model anak mude yang ade gambar tengkoraknye !" kata
Jumadi sambil tertawa terbahak-bahak. "Tinggal si engkong
ngomel-ngomel dalem atinye, dasar cucu kurang ajar. Nyumpahin
gue buru-buru masuk liang lahat ?"
| 
