Merdeka
 "Bulan
Agustusan begini jadi, aku jadi ingat suasana di kampung,
" kata Qodir membuka pembicaraan.
"Apenye yang lu inget-inget ? Bibi-bibi
yang pade nyuci di pinggir kali ? " goda Mat Kelor
sambil terkekeh-kekeh.
"Bukan, Mat ! Banyak hajatan, jadinye
si Qodir sering begadang ame temen-temennye nonton wayang.
Paginye dia ngangon kebo sambil teler. Bukan gara-gara minum
bir, tapi kebanyakan nenggak sekoteng, " samber Pepen
sambil terbahak-bahak. Gile, masak minum sekoteng bisa mabok
?
"Mas-mas ini ngomong opo toh ? Agustus
itu kan bulan rahmat bagi bangsa kita. Aku jadi ingat, kampung-kampung
ramai dihiasi bendera merah-putih. Belum lagi banyak pertandingan-pertandingan
olah raga dan ketrampilan, " kata Qodir sambil senyum-senyum
sendiri, membayangkan kampuang nan jauh di mato. "Belum
lagi puncaknya, pawai keliling kampung. Biasanya si Nunung
tunanganku berjalan di muka dengan kerudung, selendang dan
kebaya. "
"Kalau pawainye orang Betawi, yang paling
depan babeh-babeh pada pakai daster bininye, belagak jadi
bencong !" celetuk Pepen.
"Kalau orang Betawi, pertandingannye
laen. Panjat pinang yang dilumurin oli bekas. Abis dah badan
kite pade belepotan oli. Cape-cape manjat hadiahnye cuma
singlet ame kutang !" kata Mat Kelor.
"Lu inget nggak si Jum ? Biar badannye
bakalan kagak licin, die lumurin lumpur ame pasir. Tapi
dia kagak perhatiin, kalau banyak taik kambing di situ,
" kata Pepen sambil meledak lagi ketawanya.
"Nah elu sendiri inget nggak ngikut adu
tinju diatas gedebok pisang di atas kali ? Maksudnye mau
pamer ame si Mineh, cewek yang lu taksir. Nggak tahunye
lawannye bang Roji, jagoan pasar ! Serba salah jadinye,
mau mundur malu hati, mau maju tapi ngeper " bales
Jumadi yang dari tadi cuman diem aje, tapi jadi buka mulut
gara-gara namanye disinggung-singgung.
"Sekali ditinju ame bang Roji, si Pepen
udah mental ke dalem kali yang banyak tokai orang pade ngambang,
" tambah Mat Kelor.
"Dipikir-pikir ape hubungannye merdeka
ame pertandingan ?" potong Pepen tiba-tiba, berubah
jadi serius. "Emangnye jaman Belande dulu, orang kite
kagak boleh bikin pertandingan ?"
"Sebelon merdeka, pertandingannye bukan
antar kita, tapi Belanda lawan kita !" kata Jumadi
seadanya.
"Sekarang antar kita sendiri. Legislatif
lawan eksekutif. Parpol lawan parpol. " tambah Pepen.
"Dulu pertandingan merebut kekuasaan.
Sekarang berebut kekuasaan ! " kata Qodir nggak mau
kalah set.
"Jangan nyinyir terus ah. Bagus-jelek
kan tetap bangsa kita. Yang musti kita lihat adalah hikmah
dari kemerdekaan. " potong Mat Kelor. "Dalam hal
kemerdekaan, bangsa kita lebih maju dari bangsa Amerika
yang sudah merdeka lebih duaratus tahun ! "
"Maksud lu ?" kata Pepen dan Jumadi
barengan.
"Di sini katanya merdeka, tapi apa-apa
nggak boleh. Ngebut nggak boleh. Nyetir sambil ngebir nggak
boleh. Kalau di sono, ape juge boleh, selama nggak nyinggung
peranakannye yang lagi berkuasa !" kata Mat Kelor sambil
terkeh-kekeh.
(Bang Madi/ IM)
| 
