|
 |
|
Gossip
 |
"Kenapa
lu, Pen ?" sapa Jumadi kepada temannya, demi melihat
Pepen yang sedang cemberut saja.
"Biasa, Jum. Lagu lama! Si Pepen manyun terus, paling
gara-gara cewek. Patah hati lagi, padahal pacaran kagak
pernah, " goda Mat Kelor sambil memancing agar temannya
mau menceritakan masalahnya.
"Sia'ul lu, Mat " jawab Pepen sambil mesem dikit.
"Gue kemarin ketemu kang Dodi ame bininye. Tentu aje
langsung gue samperin dan gue kasih tangan. Bininye sih
nyambut sambil basa-basi. Tapi lakinye, salaman sambil buang
muke! "
"Mungkin udah punya kebanyakan muka, jadi dibuang,
" celetuk Mat Kelor dengan santai.
"Emangnye lu punya dose ape, sampe die asem begitu
ame lu?" tanya Jumadi.
"Rasanye sih kagak ade. Belakangan emang gue jarang
maen ke rumahnye. Mungkin gara-gara itu die jadi dongkol
ame gue, " jawab Pepen mulai mikir sebab-akibatnya.
"Nah itu dia!" samber Mat Kelor. "Mungkin
dia dengar dari orang lain sekarang lu ngendonnya di rumah
pak Ali yang orang kaye. "
"Gue sering ke sana kan gara-gara pak Ali satu pengajian
ame gue. Bukannye gara-gara mau gaul sama orang kaye aje!
" jawab Pepen karena masih berasa tidak punya salah.
"Mungkin berita yang nyampe ke kupingnya kang Dodi
laen, " kata Jumadi menyampaikan pendapatnya.
"Kalo bener begitu, kan bukan salah gue! Salahnya kang
Dodi kenape percaye gossip, " kata Pepen sambil mulai
melihat kemungkinan kenapa dia disebelin orang lain.
"Namanya juga gossip, Pen! Makin di-GOS-ok makin SIP!
" samber Mat Kelor lagi. "Kita diem aje diomongin
orang, apalagi kalau kite melakukan sesuatu ?"
"Bener juga lu, Mat, " kata Jumadi mendukung pernyataan
Mat Kelor sambil menghibur Pepen. "Segi positipnye
berarti lu orang penting sampe diomongin orang. Yang kagak
diomongin cuma orang mati atawa orang sinting!"
"Mangkenye orang kite kagak maju-maju. Pepatah kan
bilang, great people talks about idea, average people talks
about things, small people talks about other people. Orang-orang
besar bicare soal ide-ide, pemahaman, pemikiran. Yang sedang-sedang
bicare soal materi. Cuma orang kerdil yang suka ngomongin
orang laen, " sahut Mat Kelor yang tiba-tiba berubah
seperti orang bijak.
"Pinter juga lu, Mat. " kata Pepen mulai kalem
dan mulai dapat menggoda temannya. "Tumben-tumbenan
otak lu ada isinye. "
"Tahu nggak lu, otak orang kite kalo dilelang paling
mahal harganye, jauh melebihi otak orang Jepang, Jerman
atawa Amerika, " kata Jumadi mulai ngebanyol karena
melihat temannya udah nggak manyun lagi. "Sebabnya
masih fresh, jarang dipakai! " tambahnya disambut dengan
gelak tawa kedua temannya.
"Tapi tahu nggak lu, dalam lomba debat internasional
tim Indonesia jadi juara satu, " kata Mat Kelor membuat
timbul rasa ingin tahu kedua temannya.
"Babak pertama, ngomongin soal science atau iptek.
Tim kite masih belum dapet nilai, " lanjut cerita Mat
Kelor. "Babak kedua ngomongin soal history atawa sejarah,
tim kita masih keok juga kagak dapat nilai. Babak ketiga
ngomongin soal tetangganye, semua nilai dibabat habis tim
kite, sampe yang laen kagak kebagian! " kata Mat kelor
mengakhiri ceritanya disambut dengan ledakan ketawa bersama.
M (Bang Madi/ IM)
|
