Emangnye
Umar lagi asik-asiknye nonton sepak-bole di depan tepe,
tau-tau bininye
nyelonong: "Bang, lampu teras putus, tolong gantiin ame nyang
baru dong."
"Ape... Masang lampu?!!!, lu kire gue PLN ape...!!!" saut
Umar enteng.
"Ya udeh kalo kaga mau, benerin aje keran kamar mandi, itu
tuh aernye ampe luber-luber." "Benerin keran?!!!, lu kire gue
PDAM kali...!!!"
"Ya udeh, kalo lu pegi beli rokok ke warung aje gue nitip
minyak"
"Lu kaga bisa liat orang lagi enak nonton kali ye, lu kire
gue PERTAMINE... ape!!!" Umar sewot.
Lantaran berasa digangguin terus, Umar ngeloyor ke rumah
tetangge, balik-balik jam 3 pagi. Tapinye Umar kaget lantaran
terasnye udah terang. Terus ke kamar mandi, aer udah kaga
luber-luber, ke dapur jerigen minyak juga udah full tenk.
Paginye Umar nanye ame bininye: "Lu minta tulung ame siape...?"
"Gini bang, abis abang minggat, gue nangis di teras. Terus
ade cowok ganteng lewat nanyain gue. Gue cerite ape adenye,
juga soal lu sewot. Terus die nawarin buat ngebantuin, tapi
ada syaratnye." "Ape syaratnye...?" Umar pengin tau.
"Syaratnye bisa pilih, gue bikinin die roti atawa tidur ame
die" "Terus lu bikinin die roti ape...?" Umar ngedesek. "Bikinin
roti?!!! Lu pikir gue Holland Bakery ape...?!!!" |
