|
Berita Lain:
Dana Bulog
Imlek di Indo
Jaringan Al Qaeda di Solo
Tanah Air Penuh Air (Foto)
|
|
Imlek ala Van Oop Huysen
Waktoe djaman Holand, kita orang masi balita djadi belon bisa
mengerti persoalan. Tapi beberapa taon sesoeda merdeka, kita
orang soeda bisa mengerti masalah jang masih inget sampe
sekarang. Pada waktoe itu, oemoemnja hoeboengan orang Tenglang
dengen masjarakat sekitarnja jang Moeslim ada berdjalan dengen
roekoen, dengen sedikit kekatjualian tentoenja.
Waktoe itoe boeat keperloean sembahjang Sintjhi'a,
dikota-kota ketjil kebanjakan orang Tenglang tida perloe beli
ajam, bebek, telor, reboeng, dll, jang ada banjak ditemoeken
dikampoeng-kampoeng. Barang- barang itoe sebagean besar dikirim
sebagei hadiah Sintjhi'a sama masjarakat pribumi ke orang
Tenglang jang djadi tjoeke atawa hopeng masing-masing. Semakin
loeas pergaoelan Tenglang tsb, aken semakin banjak kiriman jang
diterimanja. Jang masih perloe disediaken tjoeman boemboe masak
sama daging babi jang tidak dipoenjai orang priboemi.
Sebagei balesanja, satoe hari sebelon Sintjhi'a orang-orang
Tenglang pada bo eng kirim dodol Tjina, koewe peranakan, en
kadang-kadang masakan jang tidak pake "ba" sama tjoeke en hopeng
masing-masing jang sudah kirim itoe bahan mentah. Kedjadian itoe
ada terbalik waktoe Hari Lebaran. Orang Tenglang jang pada
dagang, aken kasi hadiah bahan pangan sama tjoeke masing-masing,
atawa oeang boeat pegawenja jang Moeslim (sekarang djadi wadjib
sebagei THR). Waktoe hari Lebaran, giliran Tenglang jang bandjir
kiriman Ketupat Lebaran dari tjoeke & hopeng-nja.
Dalem kirim-mengirim ini tida ada "angpao". Angpao tjoeman
diberiken sama anak-anak dari sanak familie jang dateng ucapken
"Sin Tjoen Kiong Hie Thiam Hok Su". Tenglang jang taoe "tjenglie"
tida aken kasi angpao sama orang dewasa jang suda kawin, karena
artinja sama sadja anggep diri sendiri dalem deradjat jang lebih
tinggi dari jang dikasi angpao tsb. Tenglang jang "ceng-lie"
aken kasi oeang sama kerabatnja jang koerang mampoe sekitar 1
minggoe sebelon Sintjhi'a. Begitu djuga hadiah oeang boewat
pegawe tenglang aken diberiken sebelon Sintjhi'a (semacam THR
sekarang).
Kalu waktoe awal kemerdekaan hubungan ada roekoen begitoe,
rasanja moestahil kalu sebelon kemerdekaan pemerentah Belanda
ada bikin atoer jang sebaliknja. Kalu ija pasti masih ada
bekasnja sesudah merdeka. Biarin kehidoepan dikota-kota besar
ada sedikit beda, tapi tida bakal njimpang kelewat djauh dari
kota ketjil. Jang pasti kita orang bisa lihat itoe hoeboengan
jang kelewat djelek antara Tenglang sama priboemi ada moelai
pemerentahan Orbanja SOEHARTO.
Sekean.
John Towell |
|
|
